«·´¯`·»¦« Saghir Siddique «·´¯`·»¦«

ÑiDØ_KiDØ Fri Dec 03, 2010 3:11 am

ye jo deewaane se do chaar nazar aate hain
in main kuch saahib-e-asraar nazar aate hain

teri mahfil kaa bharam rakhte hain so jaate hain
vernaa ye log to bedaar nazar aate hain

duur tak koi sitaara hai na koi jugnuu
marg-e-umeed ke aasaar nazar aate hain

mere daaman mai sharaaron ke siwa kuch bhi nahi
aap phuloon ke kharidaar nazar aate hain

kal jise chuu nahin sakti thi farishton ki nazar
aaj wo raunaq-e-baazaar nazar aate hain

hashr mai kaun gawaahi meri degaa 'Sagar'
sab tumhaare hi taraf_daar nazar aate hain

ÑiDØ_KiDØ Fri Dec 03, 2010 3:12 am

wo bulaayen to kya tamashaa ho
ham na jaayen to kya tamashaa ho

ye kinaaron se khelane waaly
Doob jaayen to kya tamashaa ho

bandaa-parvar jo hum pe guzri hai
hum bataayen to kya tamashaa ho

aaj hum bhi tere wafaaoon par
muskuraayen to kya tamashaa ho

tere surat jo ittefaaq se hum
bhool jaayen to kya tamashaa ho

waqt ki chand sa-aaten 'Sagar'
laut aayen to kya tamashaa ho

ÑiDØ_KiDØ Fri Dec 03, 2010 3:12 am

Jaam Takraoo !! Waqt Nazuk Hai
Rang Chalkao !! Waqt Nazuk Hai

Hasratoon Ki haseen Qabroon Per
Phool Bersaoo !! Waqt Nazuk Hai

Ik Fareib Aur Zindagi Kay liye
Haath Phelaoo !! Waqt Nazuk Hai

Rangg Urney Laga Hai Phoolon Ka
Ab Tou Aajao !! Waqt Nazuk Hai

Tishnagi Tishnagi Arrey Taubah !!
Zulf Lehraoo !! Waqt Nazuk Hai

Bazm-e-Saaghar~ Hai Gosh Ber Aawaz
Kuch Tou Fermaoo !! Waqt Nazuk Hai

ÑiDØ_KiDØ Fri Dec 03, 2010 3:13 am

Ro'Dad-e-Mohabbat kya kahiye
kuch yaad rahi, kuch bhool gaye
2 din ki musarrat kya kahiye
kuch yad rahi kuch bhool gaye

Jab Jaam Diya Thaa Saaqi ne
jab daur chala tha mehfil mein
ek hosh ki Sa'at kya kahiye
kuch yad rahi kuch bhool gaye

ehsaas ke mae'khanay mein kahan
ab fikr-o-nazar ki Qandeelain
alam ki siddat kya kahiye
kuch yad rahi kuch bhool gaye

kuch haal ke andhay saathi thay
kuch maazi ke aiyaar Sajan
ehbab ki chahat kya kahiye
kuch yad rahi kuch bhool gaye

aur ab apni haqeeqat bhi saghar
be'rabt kahani lagti hai
duniya ki haqeeqat kya kahiye
kuch yad rahi kuch bhool gaye

ÑiDØ_KiDØ Fri Dec 03, 2010 3:16 am

Ahan Ki Surkh Taal pay Hum Raqs Ker gaye
Taqdeer Teri Chaal Pay Hum Raqs Ker gaye

Panchi Baney Tou Riffat-e-aflak Per Urrey
Ahl-e-Zamin Kay Haal Pay Hum Raqs ker gaye

Kanon Say Ehtejaj Kiya kuch Iss tarah
Gulshan Ki Daal Daal Pay Hum Raqs ker gaye

Waaez! Fareib-e-shauq nein Humain Lubhaya
Firdos kay khayal Pay Hum Raqs Ker gaye

Her Aetebar Husn-e-Nazar Say Guzar gaye
Her Halka Haye Jaan Pay Hum Raqs ker gaye

Manga Bhi kya tou Qatra-e-Chashm Tasrufaat
Saaghar Teray Saval pay Hum Raqs ker gaye

ÑiDØ_KiDØ Fri Dec 03, 2010 3:18 am

Main talkhi-e-hayat se ghabra ke pee ghia
Ghum ki siah raat se ghabra ke pee ghia

Peeta baghat izn yeh kib thi meri majal
Un ke chashme-e-pa ke sheh pa ke pee ghia

Saghar wo keh rahay thay keh pee lijiay hazoor
Un ki ghuzaar shat se ghabra ke pee ghia..

Sponsored content

«·´¯`·»¦« Saghir Siddique «·´¯`·»¦«

«·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«

Re: «·´¯`·»¦« Saghir Siddique «·´¯`·»¦«