•«¦» Mein Dil Pe Jabar Karoon Ga «¦»•

ÑiDØ_KiDØ Tue Jun 09, 2009 6:54 pm

Mein Dil Pe Jabar Karoon Ga, Tujhey Bhulaa Doon Ga
Maroon Ga Khud Bhi Tujhey Bhi Karhi Saza Doon Ga

Ye Tergee Merey Ghar Ka Hi Kiyun Muqaddar Ho
Mein Terey Shehr Ke Saarey Diye Bujhaa Doon Ga

Hawa Ka Haath Bataayun Ga Her Tabaahi Mein
Harey Shajar Se Parindey Mein Khud Urhaa Doon Ga

Wafa Karoon Ga Kisi So Gawaar Chehrey Se
Puraani Qabar Pe Kutba Naya Saja Doon Ga

Isi Khayal Mein Guzri Hai Shaam-e-Dard Aksar
Ke Dard Had Se Barhey Ga To Muskuraa Doon Ga

Too Aasmaan Ki Soorat Hai, Gir Parhey Ga Kabhi
ZameeN Hoon Mein Bhi Magar Tujh Ko Aasraa Doon Ga

Barhaa Rahi Hain Merey Dukh, NishaaniyaaN Teri
Mein Terey Khat, Teri Tasweer Tak Jala Doon Ga

Bohut Dino Se Mera Dil Udaas Hai Mohsin
Is Aayiney Ko Koi Aks Ab Naya Doon Ga

DUAON MAI YAAD RAKHNA
_TaNvEeR_