•«¦» Cheharaa Meraa Thaa Nigaahe.n Us Kii «¦»•

View previous topic View next topic Go down

•«¦» Cheharaa Meraa Thaa Nigaahe.n Us Kii «¦»•

Post  ÑiDØ_KiDØ on Tue Jun 09, 2009 6:13 pm

cheharaa meraa thaa nigaahe.n us kii
Khaamushii me.n bhii vo baate.n us kii

mere chehare pe Gazal likhatii ga_ii.n
sher kahatii hu_ii aa.Nkhe.n us kii

shoKh lamho.n kaa pataa dene lagii.n
tez hotii hu_ii saa.Nse.n us kii

aise mausam bhii guzaare ham ne
subahe.n jab apanii thii.n shaame.n us kii

dhyaan me.n us ke ye aalam thaa kabhii
aa.Nkh mahataab kii yaade.n us kii

faisalaa mauj-e-havaa ne likkhaa
aa.Ndhiyaa.N merii bahaare.n us kii

niind is soch se TuuTii aksar
kis tarah kaTatii hai.n raate.n us kii

duur rah kar bhii sadaa rahatii hai
mujh ko thaame hue baahe.n us kii
avatar
ÑiDØ_KiDØ

Posts : 366
Join date : 2009-05-21
Age : 29
Location : »¦« Abu Dhabi »¦«

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum