«·´¯`·»¦« Amjad Islam Amjad «·´¯`·»¦«

ÑiDØ_KiDØ Wed Dec 08, 2010 4:30 pm

Dil ke kehne pe jab laray tum thay
Phir zamane se kyun daray tum thay

Naqsh thay haath ki lakeeron mein
Dastaras se magar paray tum thay

Laakh phaila simat na paaye tum
Dil ki aoqaat se baray tum thay

Hum ne jis rah ka intekhaab kiya
Us ke har mor par khade tum thay

Ik sharaar e gumaan ki maanind
Dhyaan ki raakh mein paray tum thay

Jaane kis leher mein tha main sarshaar
Jaane kis mauj mein haray tum thay

Haath ke lams se chhalak uthay
Jaam ki tarah se bharay tum thay

Kya tha jis mein ulajh gaya tha main
Jaane kis baat par aray tum thay

Ek hi lamha e khamoshi mein
Hadd e aawaz se paray tum thay

«­·´¯`·»¦« Amjad Islam Amjad «­·´¯`·»¦«