..................Alag.................

Bhaata na mujh ko zeiver

na mein hoon kisee ka reivedr

mein aurat alag tabaa kee

mein azaad apnee rah kee

ulta na janoon seidha

sajaa na koi khabba

kabhee lage mujh ko aisa

sacha na koi jhoota

mein aurat alag tabaa kee...


Ho ghoor ger andheira

koasoan pare saveira

deikhoon gee jaanch loongee

kerna kahan baseira

mein aurat alag tabaa kee...



kiya jins mein faraq hai???

rupiya mein kiya qader hai???

mujh ko samjh na aae

dunya kee jo dagar hai

mein aurat alag tabaa kee...



rishtoan mein na bandhoon mein

ik rangmein na dhaloon mein

her rang mujh ko bhae

her ishq se juroon mein

mein aurat alag tabaa kee...

zaman-o-makaan se huttee

zahir jahan se ku tee

bus ghoomtee phiroon mein

anhoanee mun kee bastee

mein aurat alag tabaa kee...




samjhoon na koi bazee

na waqt kee mein bandee

us simt pe hoon chaltee

jis ka na koi ghazi

mein aurat alag tabaa kee




kiya aur kiuoon ke pheire

gaur-o-fikr ke deire

hulchal behr mein rakhte

khayaalat meire gehre

mein aurat alag tabaa kee...



Mun khoaj mein humara

bhatke phire awaarah

her lehza dhoondta hai

dunya ke dukh ka chaara

mein aurat alag tabaa kee...


sub dukhyare meire jae

ghum sub ke hee apnae

her baar soachtee hoon

ik tuk jub deikhtee hoon

kiuoonker yeh hosake ga?

derd ka safer ruke ga

khirkee ke peiche beithee

liye alfaaz kee angheitee

kaise kare dermaaee

de amn kee germaee

aur INSaaf kee seinkaee

Yeh Aurat alag tabaa kee