•«¦» MY BEST POETRY COLLACTION «¦»•

View previous topic View next topic Go down

•«¦» MY BEST POETRY COLLACTION «¦»•

Post  ÑiDØ_KiDØ on Sun May 24, 2009 10:29 pm

der lagii aane me.n tum ko shukr hai phir bhii aaye to

der lagii aane me.n tum ko shukr hai phir bhii aaye to
aas ne dil kaa saath na chho.Daa vaise ham ghabaraaye to

shafaq dhanak mah_taab ghaTaaye.n taare naGme.n bijalii phuul
us daaman me.n kyaa kyaa kuchh hai vo daaman haath me.n aaye to

chaahat ke badale me.n ham to bech de.n apanii marzii tak
ko_ii mile to dil kaa gaahak ko_ii hame.n apanaaye to

kyuu.N ye mihr_angez tabassum madd-e-nazar jab kuchh bhii nahii.n
haaye agar ko_ii anjaan agar is dhoke me.n aa jaaye to

sunii sunaa_ii baat nahii.n hai apane uupar biitii hai
phuul nikalate hai.n sholo.n se chaahat aag lagaaye to

jhuuTh hai sab taariiKh hameshaa apane ko dohoraatii hai
achchhaa meraa Khvaab-e-javaanii tho.Daa saa doharaaye to

naadaanii aur majabuurii me.n yaaro kuchh to farq karo
ek bebas insaan kare kyaa TuuT ke dil aa jaaye to


Last edited by ÑiDØ_KiDØ on Sun May 24, 2009 10:44 pm; edited 1 time in total
avatar
ÑiDØ_KiDØ

Posts : 366
Join date : 2009-05-21
Age : 30
Location : »¦« Abu Dhabi »¦«

View user profile

Back to top Go down

•«¦» ko_ii adaa_shanaas-e-muhabbat hame.n bataaye «¦»•

Post  ÑiDØ_KiDØ on Sun May 24, 2009 10:31 pm


ko_ii adaa_shanaas-e-muhabbat hame.n bataaye
jo ham ko bhuul jaaye vo kyo.n ham ko yaad aaye

kis kii majaal thii ki hijaab-e-nazar uThaaye
vo muskuraa ke aap hii dil ke qariib aaye

ik dil_nashii.n nigaah me.n allaah ye Khalish
nashtar kii nok jaise kaleje me.n TuuT jaaye

kuchh ham se beKhudii me.n hu_ii behijaabiyaa.N
chashm_kazanii sitaaro.n ne kii phuul muskuraaye

vo jaan-e-aarazuu ke hai saramaayaa-e-nishaat
kyo.n us kii yaad Gam kii ghaTaa ban ke dil pe chhaaye

tum to hamii.n ko kahate the ye tum ko kyaa huaa
dekho ka.Nval ke phuul se shabanam chhalak na jaaye

ik naatamaam Khvaab mukammal na ho sakaa
aane ko zindagii me.n bahut inqalaab aaye
avatar
ÑiDØ_KiDØ

Posts : 366
Join date : 2009-05-21
Age : 30
Location : »¦« Abu Dhabi »¦«

View user profile

Back to top Go down

•«¦» Aabalapa Koii «¦»•

Post  ÑiDØ_KiDØ on Sun May 24, 2009 10:40 pm

aabalapa ko_ii is dasht me.n aayaa hogaa
varnaa aa.Ndhii me.n diyaa kis ne jalaayaa hogaa

zarre zarre pe ja.De ho.nge ku.Nvaare sajde
ek ek but ko Khudaa us ne banaayaa hogaa

pyaas jalate huye kaa.NTo.n kii bujhaa_ii hogii
risate paanii ko haathelii pe sajaayaa hogaa

mil gayaa hogaa agar ko_ii sunaharii patthar
apanaa TuuTaa huaa dil yaad to aayaa hogaa

Khoon ke chhii.nTe kahii.n pochh na le.n rehro.n se
kis ne viiraane ko gul_zaar banaayaa hogaa
avatar
ÑiDØ_KiDØ

Posts : 366
Join date : 2009-05-21
Age : 30
Location : »¦« Abu Dhabi »¦«

View user profile

Back to top Go down

•«¦» Nahii Hotaa «¦»•

Post  ÑiDØ_KiDØ on Sun May 24, 2009 10:42 pm

aaGaaz to hotaa hai anjaam nahii.n hotaa
jab merii kahaanii me.n vo naam nahii.n hotaa

jab zulf kii kaalikh me.n ghul jaaye ko_ii rahii
bad_naam sahii lekin gum_naam nahii.n hotaa

ha.Ns ha.Ns ke javaa.N dil ke ham kyo.n na chune.n Tuka.De
har shaKhs kii qismat me.n inaam nahiin hotaa

bahate hue aa.Nsuu ne aa.Nkho.n se kahaa tham kar
jo mai se pighal jaaye vo jaam nahii.n hotaa

din Duube hai.n yaa Duubii baaraat liye kashtii
saahil pe magar ko_ii koharaam nahiin hotaa
avatar
ÑiDØ_KiDØ

Posts : 366
Join date : 2009-05-21
Age : 30
Location : »¦« Abu Dhabi »¦«

View user profile

Back to top Go down

•«¦» Chanda Tanha Hai or Asman Tanha Hai «¦»•

Post  ÑiDØ_KiDØ on Sun May 24, 2009 10:43 pm

chaa.Nd tanhaa hai aasmaa.N tanhaa
dil milaa hai kahaa.N kahaa.N tanhaa

bujh ga_ii aas chhup gayaa taaraa
thar_tharaataa rahaa dhuaa.N tanhaa

zindagii kyaa isii ko kahate hai.n
jism tanhaa hai aur jaa.N tanhaa

ham_safar ko_ii gar mile bhii kahii.n
dono.n chalate rahe tanhaa tanhaa

jalatii bujhatii sii raushanii ke pare
simaTaa simaTaa saa ek makaa.N tanhaa

raah dekhaa karegaa sadiyo.n tak
chho.D jaayenge ye jahaa.N tanhaa
avatar
ÑiDØ_KiDØ

Posts : 366
Join date : 2009-05-21
Age : 30
Location : »¦« Abu Dhabi »¦«

View user profile

Back to top Go down

Re: •«¦» MY BEST POETRY COLLACTION «¦»•

Post  Sponsored content


Sponsored content


Back to top Go down

View previous topic View next topic Back to top

- Similar topics

 
Permissions in this forum:
You cannot reply to topics in this forum