merii tasviir men rang aur kisii kaa to nahiin

sTrAnGeR Sun May 31, 2009 11:58 pm

merii tasviir men rang aur kisii kaa to nahiin
gher len mujhko sab aake main tamaashaa to nahiin

zindagii tujhse har ik saaNs pe samjhautaa karuuN
shauq jiine kaa hai mujhko magar itnaa to nahiin

ruuh ko dard milaa dard ko aaNkhen na milii
tujhko mahsuus kiyaa hai tujhe dekhaa to nahiin

sochte sochte dil Duubne lagtaa hai meraa
zahan kii tah men 'Muzaffar' koii dariyaa to nahiin...!!